Ал Наср го победи големиот ривал Ал Шабаб со 5-2 и се пласираше во полуфиналето на Купот на кралот на Саудиска Арабија.
Очекувано, еден од стрелците беше 38-годишниот Португалец Кристијано Роналдо. Напаѓачот го постигна четвртиот гол за својот тим на натпреварот по асистенција на Отаво.
Тоа беше јубилеј за Роналдо кога беше во прашање 2023 година. Голот во мрежата на Ал Шабаб беше 50. за Роналдо во календарската година. Годинава 50 гола постигна и напаѓачот на Манчестер Сити Ерлинг Холанд, а по 49 имаат Хари Кејн и Килијан Мбапе.
Роналдо досега има 896 погодоци во кариерата, а му недостигаат уште само четири да биде првиот фудбалер во историјата кој стигнал до бројката од 900 гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
