Унион Берлин со поразот од Реал Мадрид заврши со настапите во Европа. Шансата да се презими во Лигата на Европа постоеше, но исчезна после поразот, и покрај тоа што Унион имаше предност од 1-0, а потоа и 2-2 се до финишот кога Себаљос постигна гол и ја донесе победата на Реал.
Тренерот на Унион, Ненад Бјелица неодамна го презеде овој клуб, со цел да го спаси од испаѓање во Бундеслигата. Истакна дека против Реал, неговата екипа одиграла добар натпревар, со многу трчање, а заклучи дека Унион не е далеку од нивото на Реал Мадрид.
„Реал не натера на многу грчање, моравме да ги бркаме по теренот. Но, тоа се случува со екипи кои се подобри од нас. Немавме ниту среќа. Примаме многу голови во завршницата. Исто беше против Брага, а сега и против Реал. Тоа е премногу. Но, покажавме дека не сме многу далеку од нивото на Реал. Двапати тесно загубивме од нив. Ова беше одличен натпревар, имавме одлична поддршка од нашите навивачи. Не беше лесно, но покажавме дека можеме да се носиме“, изјави Бјелица.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
