Холандскиот стратег Ерик тен Хаг до Нова година би можел да биде поранешен тренер на Манчестер Јунајтед со оглед на катастрофалните резултати кои ги бележи овој славен англиски клуб и срамот кој го доживеа во овогодинешното издание на Лигата на Шампионите каде во конкуренција со Копенхаген, Галатасарај и Баерн Минхен заврши последен во групната фаза.
Но, и доколку дојде до отказ 53-годишниот стратег нема долго да биде без ангажман. Според легендарниот норвешки фудбалер и новинар Јан Аге Фјортофт, Ерик тен Хаг веднаш ќе биде именуван за нов тренер на Борусија Дортмунд.
И покрај тоа што германскиот тим ја мина „групата на смртта“ во Лигата на Шампионите, раководството на тимот не е задоволно од резултатите кои ги бележи Един Терзиќ во домашното првенство па се очекува промена на тренерската позиција.
Во полза на Холанѓанецот е поранешната соработка со советникот на Борусија Дортмунд, Матијас Самер во редовите на Баерн Минхен пред десет години.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
