Кошаркарите на Денвер славеа против Бруклин со 124-101 во уште еден натпревар кој го одбележа српскиот центар Никола Јокиќ.
Јокиќ успеа да дојде до 115-от „трипл-дабл“ во кариерата и десетти оваа сезона, и така стана единствен играч во историјата на НБА кој во седум едноподруго сезони запишал двоцофрен број „трипл-дабл“ остварувања.
Јокиќ за само 30 минути игра запиша 26 поени, 15 скока и 10 асистенции и го водеше Денвер до третата едноподруго победа, 17-та актуелнава сезона.
A historic night for Nikola Jokic in the Nuggets W 🃏
26 PTS \ 15 REB \ 10 AST
He’s the first player in NBA history to record 10 or more triple-doubles in 7 consecutive seasons 🙌 pic.twitter.com/81im1OwhGX
— NBA (@NBA) December 15, 2023
„Со Никола животот е полесен“ – истакна по мечот тренерот на Денвер, Мајк Мелоун и дополни:
„Тој е така добар играч, игра со таква леснотија и ефикасност. Но, тоа што најмногу ме радува кај него е неговата одбрана. Сакав да биде агресивен, сакам да биде на тоа ниво, и мислам дека вечерва ги постави тие стандарди“.
Џамал Мареј се врати во тимот после мечот пауза, и натпреварот го заврши со 16 поени, додека Пејтон Вотсон заврши со 18 постигнати поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
