Ник Калатес веќе ги спакува куферите и очекува што поскоро да си замине од Фенербахче откако турскиот гигант го избра Шарунас Јасикевичиус за нов шеф на стручниот штаб.
Грчкиот плејмејкер водеше војна со овој тренер додека двајцата беа дел од Барселона, конфликтот резултираше со негов трансфер во Фенербахче, а ветеранот не можеше ни да помисли дека Јасикевичиус ќе пристигне во Истанбул. Калатес беше пред заминување и во текот на летото, тогаш реши да остане и да се бори за минутажа кај Итудис, но на ветеранот му е јасно дека тоа е невозможна мисија со доаѓањето на Јасикевичиус и се очекува најдоцна до крајот на годинава да си замине од Фенер.
Интерес за грчкиот ветеран покажуваше Партизан, но според последните информации Калатес се наоѓа многу блиску до потпис со Милано. Италијанскиот тим е во потрага по нов плејмејкер по повредата на Маодо Ло, но најпрвин треба да го испрати Пангос во Валенсија за да направи простор во тимот и да го комплетира доаѓањето на Калатес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
