Раководството на Македонија ЃП го продолжува ремонтот во играчкиот кадар, па откако беше објавено дека клубот од Ѓорче Петров се разделува од четири фудбалери (Јаго, Темелков, Алексовски и Стојкоски), денеска „лавовите“ го претставија првото засилување за пролетниот дел од сеоната.
Станува збор за уште еден бразилски интернационалец, и тоа Џонатас Жилберто да Силва, фудбалер кој настапува во одбраната линија и треба да помогне во дефанзивата на „лавовите“.
Овој 27-годишен фудбалер доаѓа од татковината, каде настапуваше за нисколигашот Перолас Неграс, а интересно е што ланската сезона смени четири екипи и заврши во Гонсаленсе, од каде минатото лето стигна во Перолас Неграс, а трансферот во Македонија ЃП му е прв европски предизвик во кариерата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА