Суперкупот на Италија кој во јануари 2024 година ќе се одржи во Ријад во Саудиска Арабија ќе претрпи промена во натпреварувачкиот систем и за трофејот ќе се борат четири екипи, потврди Фудбалската федерација на Италија.
Првиот полуфинален пар ќе го сочинуваат Наполи и Фиорентина и овој дуел е закажан за 18. јануари, а ден подоцна ќе се сретнат и Интер и Лацио. Финалето е закажано за на 22. јануари.
Италијанскиот Суперкуп прв пат беше одржан во Саудиска Арабија во 2018 година откако претходно беше одржуван и во Либија (2002 година), Соединетите американски држави (2003), Кина (2009, 2011, 2012 и 2015 година) и Катар (2014 и 2015 година).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
