Ракометната репрезентација на Македонија утрово тргна на пат за Србија, каде во Стара Пазова ќе биде одработена првата фаза од подготовките за претстојниот европски шампионат во Германија, што ќе се одржи во јануари 2024 година.
Селекторот Лазаров ќе ги нема на располагање Митревски и Талески кои имаат обврски кон клубовите во Португалија, а како дел од оваа подготвителна фаза ќе биде одигран и еден пријателски меч, против селекцијата на Црна Гора.
По новогодишните празници, финалната фаза од подготовките ќе се одвива во Скопје, а дуелите со Грција ќе бидат и финална увертира пред настапот на ЕП.
Македонските ракометари ќе заминат за Дизелдорф на 8 јануари, првиот меч го играат во овој град против Франција на 10 јануари, по што ќе заминат за Берлин. Таму избраниците на Кире Лазаров ги очекуваат уште две пресметки од групната фаза, со домаќинот Германија на 14 јануари и со Швајцарија два дена подоцна.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
