Во Премиерлигата се случи изненадување, откако тимот на Лутон успеа да го совлада еден од претендентите за висок пласман тимот на Њукасл со 1-0. Таузенд им пресуди на избраниците на Хау со гол уште во првиот дел.
Во продолжението на мечот, Лутон беше поблиску до втор гол отколку Њукасл до израмнување, но и двата тима пропуштија неколку добри шанси за поинаков резултат.
Во Лондон, Тотенхем го совлада Евертон со 2-1, со два брзи гола во раната фаза од мечот. Ришарлисон во 9. минута донесе предност, а Сон во 18. минута го зголеми резултатот. Гомеш во 82. минута успеа да намали и да го однесе мечот во неизвесност, но на крајот Тотенхем успеа да се одбрани и да ја прекине серијата на Евертон од четири победи по ред.
Нотингем Форест и Борнмут одиграа интересен меч кој заврши со победа на гостите од 2-3. Иако од 23. минута имаа играч помалку, Форест дојде до предност преку Еланга во 46. минута. Соланке со головите во 50. и во 57. минута донесе пресврт, а Нотингем израмни преку Вуд. Но, со играч повеќе до победата стигнаа благодарение на херојот Соланке кој го комплетираше хет-трикот за голема победа на Борнмут.
Изненадувачки резултат и во вториот меч во Лондон, откако Фулам на домашен терен загуби од Барнли. Одоберт и Берге во вториот дел му донесоа триумф на гостинскиот тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
