Македонија беше подобра од Црна Гора на контролниот натпревар одигран денеска во Стара Пазова, Србија. Ракометарите на нашиот национален тим по 60 минути игра, имаа предност од 39-37, со што беше официјален скор од натпреварот, а двете селекции одиграа уште дополнителни 30 минути во договор на двата селектори. На полувремето Македонија имаше предност од 22-17.
Црногорците во своите редови ги немаа едни од најдобрите играчи Борозан, Лазови и Вујачиќ.
Македонија утре се враќа во Македонија, по што ќе има два слободни дена, и со тренинзи продолжува на 2. јануари. До ЕП следуваат уште две контроли со Грција (4 и 5 јануари), а потоа на 8. јануари експедицијата заминува во Германија.
Македонија е во група со Германија, Франција и Швајцарија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
