Навивачите на Рома не се задоволни од синоќешното издание на својот тим кој загуби на гостувањето против Јувентус со 1-0 во последниот натпревар во 2023 година.
Но, навивачите на „волчицата“, ако се суди според коментарите по социјалните мрежи, не се задоволни и од тоа што тренерот Жозе Мурињо го истакна по поразот.
„Разочаран сум што на полувремето отидовме со 0-0 затоа што имавме неколку убави можности за водство. Не постигнавме гол и потоа немавме среќа и примивме гол. Се беше тешко после тоа. Луѓето треба да го почитуваат повеќе тоа што Рома го прави. Тоа што го работиме во вакви услови е нешто неверојатно“ – истакна Мурињо.
Но, на навивачите воопшто не им се допаѓаат овој стил на изјави и постојаното „плачење“ на Мурињо кој секогаш има некаков изговор после секој пораз на тимот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
