Поранешниот бразилски голман Хеурељо Гомес кој во богатата кариера имаше шанса да игра со едни од најдобрите фудбалери во историјата, во разговор на подкастот „talkSport“ говореше на повеќе теми, а даде и одговор на прашањето кој е за него најдобриот фудбалер со кој го делел теренот.
Гомес во Тотенхем имаше шанса да игра заедно со Лука Модриќ и Герет Бејл, во репрезентацијата на Бразил соблекувалната ја делеше со имиња како Роналдо, Кака, Роналдињо, Роберто Карлос, Адријано…
„Не е фер да изберам само еден играч, но сепак ќе речам дека тоа е Роналдињо. Беше неверојатен. Посебно ме импресираа неговите слободни удари, постигнуваше голови и над и под „живиот ѕид“. Чудесен беше и Модриќ. Знаете какви додавања има. Само дајте му ја топката и тој може да ја чува вечно. Ако не знаш што да направиш, додај му на Модриќ, тој ќе знае“, изјави Гомес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
