ЕКИПА во Дизелдорф, Германија
Стеван Цаневски
Македонските ракометари го одржаа официјалниот тренинг на стадионот „Меркур Шпиле арена“ во Дизелдорф, кој сега е адаптиран за ракометен дуел, пред утрешниот дуел против Франција на отворањето на на Европското првенство 2024 во Германија.
Не можеше да се сокрие воодушевувањето меѓу македонските ракометари, како и сите медиумски екипи присутни во Германија, од арената која утре ќе прими 55.000 навивачи на историскиот спектакл за првпат во историјата на ракометот.
Воодушевувањето не го криеја и двајцата македонски голмани, Марко Кизиќ и Мартин Томовски…
„Сите сме навистина шокирани, ова ќе биде историски натпревар. Атмосферата е преубава и на празна сала, а сигурно дека ќе биде прекрасно и кога ќе биде исполнета. Со нетрпение го очекуваме натпреварот. Втор ден сме во Германија, и навистина сме повеќе од мотивирани за тоа што не очекува утре“ – вели Марко Кизиќ.
„Прекрасно чувство, навистина сме изненадени. Чест и задоволство ќе ни биде да играме на овој стадион. На натпреварот против Франција ќе се пишува историја, а на нас ни останува да уживаме и достојно да ја претставиме Македонија“ – дополнува Томовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
