Најавите дека Килијан Мбапе има договор со Реал Мадрид, веднаш беа демантирани од страна на ПСЖ. Французинот од 1. јануари може да преговара со други клубови, со голед дека неговиот договор со францускиот шампион истекува на лето.
Наголемо се шпекулира дека на крајот Мбапе ќе заврши во дресот на Реал Мадрид, а најавите одат дотаму што покрај Мбапе, Реал го посакува и Ерлинг Халанд како негов партнер во нападот.
Сопственикот на ПСЖ, Насер Ал Келаифи порача да се остави Мбапе на мира, и да не се шпекулира со неговата иднина. Тој кажа дека целосно му верува на фудбалерот.
„Да го оставиме Килијан Мбапе на мира. Полека. Тој никогаш нема да направи нешто против ПСЖ. Јас му верувам на Мбапе, тој е дел од нашата фамилија. Според мене, најдобриот клуб за Мбапе е ПСЖ, а Килијан е најдобриот играч на светот. Сакам тој да остане. Тој е во центарот на нашиот проект, и му дадовме се од спортска гледна точка. Има договор со мене, и тоа останува меѓу мене и него. Во моментов не се водат никакви преговори“, рече Ал Келаифи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
