Пред еден месец Милан планираше да ангажира напаѓач во зимскиот преоден рок, но тогаш му даде шанса на Лука Јовиќ, и сега плановите на „росонерите“ се сменија. Јовиќ постигна пет гола на последните седум натпревари за италијанскиот гигант, па така Милан реши да го задржи Србинот, и парите планирани за напаѓач да ги пренасочи за ангажман на други позиции.
Јовиќ е позајмен од Фиорентина до крајот на сезоната, со можност да биде продолжена позајмицата на уште една година. И покрај тоа што се појавија шпекулации дека Милан уште во јануари ќе се откаже од него, добрите игри на крајот на минатата и на почетокот на оваа година ги премислија челниците на Милан.
Така сега парите ќе бидат насочени на купување на стопер и играч од средниот ред.
„Ги имаме Жиру и Јовиќ напред, тие се нашите деветки. Играат добро, постигнуваат голови. Не можеме секогаш да бараме играчи на пазарот, ги имаме нив и мораме да ги користиме“, рече директорот на Милан, Џефри Монкада.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
