ЕКИПА во Дизелдорф,
Стеван Цаневски
Ракометната репрезентација на Германија го стартуваше Европското првенство со рутинска победа над репрезентацијата на Швајцарија од 27-14.
Германците на спектаклот во Дизелдорф во ниту еден момент не им дозволија на Швајцарците да се понадеваат на поволен резултат. Германците почнаа фуриозно, а во првите дваесет минути на противникот му дозволија само четири гола, а на полувреме заминаа со комотна предност од 13-8. Во вториот дел продолжи германското газење, а по 24 минути игра Швајцарците имаа постигнато само два погодоци (24-10).
До крајот „панцирите“ само рутински го приведоа мечот за конечен триумф од 27-14. Jури Кнор со шест гола беше прво име кај победникот, додека кај поразените Лени Рубин постигна четири. Токму Германија е следен противник на Македонија, а мечот кој ќе се игра во Берлин е закажан за во недела. Швајцарија во второто коло ќе се сретне со Франција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
