Кошаркарите на Фенербахче неочекувано се измачија против Баерн Минхен, но на крај низ драма по продолжение успеаја да ја оправдаат фаворитската улога и да дојдат до победа од 98-91 во 21. коло од Евролигата.
Турскиот тим беше пред пораз во мечот во кој Баерн одигра одлично се до последната минута од натпреварот. Имаа Германците предност и во самиот финиш од 76-78, но во последните 50 секунди домашните израмнија а Вилбекин на десет секунди пред крајот постигна тројка за 81-78. Но драмата не заврши тука откако Франциско на спротивната страна, на осум секунди пред крајот, доби три слободни фрлања и сите три успеа да ги реализира за 81-81 и продолжение.
А, во продолжението Фенербахче сосема ја оправда улогата на фаворит добивајќи ги дополнителните пет минути со 17-10 за конечна победа од 98-91.
Вилбекин беше неверојатен во победата на Фенер со 30 поени и четири асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
