Уште едно раководно лице заминува од менаџерските структури на еден од најдобрите македонски клубови, Шкупи.
Долгогодишниот генерален менаџер на чаирчани, Емир Шабани, кој е поранешен фудбалер на Работнички, Металург, Победа…, преку социјалните мрежи информираше дека се повлекува од раководната позиција во клубот.
„Сакам да информирам дека повеќе нема да бидам дел од Шкупи и да ја извршувам функцијата генерален менаџер на клубот. Сакам да ја искажам мојата благодарност до ФК Шкупи и до сопственикот Олгун Ајдин за неговата доверба и укажаната можност да менаџирам со престижен клуб како што е Шкупи. Благодарност за соработката до стручниот штаб, играчите и до сите вработени во клубот а секако и посебна благодарност до навивачката група ‘Шверцери’. Му посакувам на клубот многу успеси и напредок во иднина“ – се вели во објавата на Шабани на социјалните мрежи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
