Женскиот ракометен шампион на Македонија, Ѓорче Петров со позитива од три гола (32-29) ќе патува на реваншот во Чешка кај Лажне Кинзварт во двомечот од осминафиналето во ЕХФ купот.
Во првото полувреме се водеше вистинска битка на двете страни на теренот, а по 30 минути за нијанса подобри беа гостинките кои на пауза заминаа со минимална предност од 13-14. Во вториот дел „лавиците“ заиграа далеку подобро и со фуриозна игра во последната четвртина од мечот успеаја да стигнат до конечен трумф од 32-29.
Коларовска, Ангела Јанкуловска и Ризовска со по шест гола беа најефикасни во таборот на Ѓорче Петров, додека кај поразените Патрнчакова постигна пет гола. Реваншот ќе се одигра за седум дена во Чешка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
