ЦСКА Москва предводена од македонскиот стратег Емил Рајковиќ стигна до 20. победа во ВТБ лигата откако во 23. коло славеше со убедливи 80-70 против Уралмаш Екатеринбург.
Фаворитската улога московскиот тим ја потврди уште од самиот старт на натпреварот добивајќи ја првата четвртина со 29-20, а и покрај тоа што гостите успеаја да стигнат до своја предност во втората четвртина на полувремето резултатот гласеше 53-49. Тимот на македонскиот стартег продолжи да го диктира темпото и во второто полувреме, а сите дилеми за победникот беше решение во последната четвртина во која се врати двоцифрената предност.
Рајковиќ и ЦСКА остануваат лидери на првенството со три победи повеќе од второпласираниот Уникс Казањ за кој пак настапува македонскиот репрезентативец Ненад Димитријевиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
