Фудбалскиот репрезентативец на Македонија, Дарко Чурлинов се врати во Шалке 04 каде што ќе биде на позајмица од Барнли до крајот на сезоната 2023/24.
Чурлинов ќе биде на позајмица во Гелзенкирхен до крајот на сезоната по која Шалке може да го откупи договорот на нашиот репрезентативец од Барнли.
„Дарко е токму таков играч што сакавме да доведеме во зимскиот трансфер период. Никогаш досега не сум видел играч толку мотивиран и подготвен за предизвик како што е тој сега“, изјави спортскиот директор на Шалке, Марк Вилмотс.
Чурлинов, кој ја помина сезоната 2021/22 исто така во Шалке не го крие задоволството за враќањето во Гелзенкирхен.
„Задоволен сум што се враќам во Шалке, секогаш останав во контакт со клубот и навивачите. Сакам сега да му оддолжам на клубот за нивната верба во мене – по можност со голови, асистенции и, пред сè, со победи“, изјави Чурлинов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
