Во сенка на партијата на животот на Лука Дончиќ, кој постигна 73 поени во дуелот против Атланта, ноќеска се одиграа уште неколку интересни НБА натпревари.
Најнеизвесно беше на дуелот Мемфис – Орландо, кој домашниот тим го доби на крај со само еден поен предност (107-106). Иако во еден миг Гризлис водеа и со +11 во последниот период, меѓутоа гостите се вратија, но не успеаја да направат пресврт. Џексон со 30 поени беше најефикасен.
Неизвесно беше и на дуелот Индијана – Феникс, откако со кош во последните мигови, домашните кошаркари стигнаа до победата 133-131. Инаку во поголемиот дел од мечот, Феникс имаше предност, во еден миг 17 разлика, а имаше предност и во последниот период, но го „прокоцка“, за победа на домашните. Залудна одличната партија на Букер кој постигна 62 поени.
РЕЗУЛТАТИ:
Атланта – Далас 143:148
Шарлот – Хјустон 104:138
Индијана – Феникс 133:131
Торонто – ЛА Клиперси 107:127
Мемфис – Орландо 107:106
Милвоки – Кливленд 100:112
Њу Орлеанс – Оклахома 83:107
Сан Антонио – Портланд 116:100
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
