Францускиот дефанзивец Саша Бој, денеска треба да го комплетира трансферот во Баерн Минхен. „Баварците“ на Галатасарај ќе му исплатат 30 милиони евра, а сумата може да биде поголема ако Бој ги исполни бонусите во таборот на тимот од Минхен.
Интересно е дека Галата со овој трансфер ќе заработи 30 милиони, со оглед дека го купија од Рен во 2021 година како 20-годишник за нешто повеќе од 1 милион евра. Рен пропушти можност добро да профитира од својот играч, со оглед дека Бој ги мина младинските категории на овој тим, но само по неколку значајни настапи, и една година на позајмица во Дижон, се реши да ја смени средината.
И не погреши, Бој сега ќе игра за еден од најголемите светски клубови. Откако не успеа со Трипие, Баерн го ангажираше Бој за десната бековска позиција која е „најтенка“ во моментов.
Бој има настапи за младинските селекции на Франција. Имаше понуда да игра за Камерун, но кажа дека наскоро ќе донесе одлука за која репрезентација ќе настапува во иднина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
