Тренерот на Севилја, Кике Санчез Флорес говореше за заминувањето на Иван Ракитиќ од клубот од Андалузија.
Санчез Флорес седна на клупата тимот во средината на декември, а оттогаш заменик-капитенот Ракитиќ немаше одиграно ниту еден комплетен натпревар. Пред две недели го остави на клупата за резерви за време на првенствениот меч со Жирона (1-5), а потоа го внесе во 51. минута од четвртфиналниот куп меч со Атлетико Мадрид (0-1).
„Имавме искрен разговор, четири дена пред неговата одлука. Ми кажа дека не сметам на него, а јас му реков дека сметам, но не можам да му гарантирам дека ќе игра на секој натпревар“, изјави Санчез Флорес.
Ракитиќ како и голем дел од европските ѕвезди замина во Саудиска Арабија каде потпиша договор со Ал Шабаб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
