Поранешниот италијански фудбалер, а денеска тренер на Марсеј, Џанаро Гатузо проживува голема драма. 46-годишникот е мета на озогласена италијанска мафија која од него бара мито и постојано му приредува закани кои ескалираа во последниот период, откриваат италијанските медиуми.
Целата невкусна ситуација настанала откако таткото на Гатузо започнал проект за поставување на фотопанели на семејниот имот, а за таа цел добил 80 илјади евра.
Мафијата прво се обидела да добие камата и му барала три илјади евра за заштита, а со оглед на тоа што Гатузо одбивал да ја плати истата два пати автомобилот на неговата ќерка бил запален, а потоа била и демолирана куќата на неговата сестра.
Гатузо попуштил на притисокот и ја платил сумата, но и понатаму стравува за неговиот живот и животот на неговите блиски. Спасот го гледа во полицијата според која веќе се уапсени две лица поврзани со неговиот случај.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
