Поранешниот менаџер на Челси и Брајтон, Грем Потер е на списокот на Милан како потенцијален наследник на Стефано Пиоли, кој се наоѓа пред отказ после серијата на лоши резултати со екипата. Италијанските медиуми тврдат дека Милан по крајот на сезоната ќе има нов тренер, и покрај тоа што раководството засега демантира разделба со Пиоли.
Број еден на списокот на желби и натаму е Антонио Конте кој е без ангажман. Но, доколку не успеат да го убедат да дојде во Милан, или, пак, ако прифати некоја друга понуда, тогаш една од варијантите е Потер.
Потер е без ангажман откако пред 10 месеци доби отказ од Челси. Од тогаш одби три понуди. Едната од Лион, втората од Глазгов Ренџерс, а третата селекторското место на Шведска. Во еден момент пред крајот на минатата година се појави информација дека би можел да го замени Ерик тен Хаг на клупата на Манчестер Јунајтед, но не дојде до смена на Холанѓанецот на „Олд Трафорд“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
