Вчера во германските медиуми веднаш се појавија шпекулации за смена на Томас Тухел од местото тренер на Баерн Минхен после поразот од Баер Леверкузен и веројатно загуба на титулата во Бундеслигата.
Тухел веќе некое време е на удар со оглед дека „Баварците“ не пружаат игри какви што се очекува од нив, особено во германското првенство, а како што е познато, Баерн беше елиминиран од второлигаш во Купот.
Меѓутоа изршниот директор Јан-Кристијан Дрезен демантира смена на тренерот.
„Нема ништо да се смени, нема смена на тренерот“, изјави Дрезен, и се осврна на мечот со Леверкузен.
„Заслуживме да загубиме, Баер Леверкузен беше подобар. Мораме да го прифатиме она што се случи, иако мораме да кажеме дека добро влеговме во натпреварот. Добро е што има уште 13 кола до крајот, и да се надеваме дека Баер Леверкузен ќе греши“, рече Дрезен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
