Со натпреварите меѓу Лајпциг и Реал Мадрид и Копенхаген и Манчестер сити вечерва започнува осминафиналната фаза во Лигата на шампионите.
Реал претходно го освои првото место во групата каде противници му беа Наполи, Брага и Унион Берлин со сите шест победи. Противникот во осминафиналето Лајпциг беше втор во својата група зад актуелниот освојувач на Лигата на шампионите Манчестер сити. Реал Мадрид со 14 титули е рекордер на ова натпреварување, а тренерот на „кралевите“ Карло Анчелоти вели дека ќе направат се за по 15. пат да стигнат до популарниот „ушко“.
„Ќе се обидеме да направиме се што е во наша моќ за повторно да ја освоиме Лигата на шампионите, која, ако ги прашате навивачите на Реал, е најважното натпреварување. Низ историјата, имавме толку многу успеси, а Лигата на шампионите не мотивира повторно и повторно“, рече Анчелоти.
Реал Мадрид со 14 титули е рекордер на ова натпреварување, а од 2014 година до денес мадридскиот тим пет пати ја освојувал Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
