Се е подготвено за стартот на нокаут фазата одЛигата на Шампионите, која ќе почне со гостувањето на европскиот првак Манчестер Сити против Копенхаген, тим што беше едно од најпријатните изненадувања во групната фаза успевајќи да го елиминира Манчестер Јунајтед. Пеп Гвардиола за првпат од почетокот на сезонава нема проблеми со повредени и казнети играчи, „граѓаните“ ќе настапат со своите најдобри единаесетмина и ќе бидат огромни фаворити за веќе во Данска да си го осигураат пласманот меѓу осумте најдобри.
Згора на тоа, домашниот тренер се соочува со сериозни проблеми поради отсуството на неколку стандардни првотимци, што дополнително ги намалува шансите за сензација на овој дуел.
Елиф Елмас е најавен како резерва за дуелот меѓу Лајпциг и Реал Мадрид, на кој германскиот тим ќе се обиде да го изненади најтрофејниот европски фудбалски колектив. Во прилог на Лајпциг оди и фактот дека Реал ќе допатува без својот најдобар фудбалер, Џуд Белингем, но и ќе мора да настапи со крпена одбрана ако се знае дека во тимот ќе ги нема Алаба и Милитао, минимални се шансите за настап на Рудигер, а Начо иако не е стопроцентно подготвен ќе мора да настапи во срцето на одбраната на „кралевите“.
КОПЕНХАГЕН – МАНЧЕСТЕР СИТИ
КОПЕНХАГЕН: Грабара, Анкерсен, Мекена, Дикс, Јелерт, Матсон, Фалк, Гонсалвеш, Елјунуси, Клаесон, Ахури.
Отсутни: Лерагер, Сандер, Боилесен, Хочолава.
МАН. СИТИ: Едерсон, Вокер, Стоунс, Дијаз, Гвардиод, Родри, Силва, Де Бруине, Фоден, Алварез, Халанд.
Отсутни: /
ЛАЈПЦИГ – РЕАЛ МАДРИД
ЛАЈПЦИГ: Гулаши, Хенрикс, Орбан, Клостерман, Раум,Сајвалд, Шлагер, Олмо, Симонс, Опенда, Шешко.
Отсутни: Хаидара.
РЕАЛ МАДРИД: Лунин, Карвахал, Начо, Чуамени, Менди, Валверде, Крос, Камавинга, Брахим Дијаз, Винисиус, Родриго.
Отсутни: Куртоа, Алаба, Милитао, Белингем. Неизвесен: Рудигер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
