Седумкратниот светски шампион во Формула 1, Луис Хамилтон вели дека целата оваа ситуација му се чини „надреална“ затоа што влегува во својата последна сезона со Мерцедес.
Хамилтон од 2013 година е во Мерцедес со кого освои шест од седум свои титули. Сега, една година порано ќе ја напушти екипата и од следната сезона ќе вози за Ферари, што е неочекуван трансфер кој ја раздрма Формула 1 и го изненади директорот на Мерцеде, Тото Волф.
„Многу е емотивна целата оваа ситуација. Надреално е да се биде овде, со оглед на тоа што 11 години сум со екипата и ја почнувам 12-та сезона. Привилегија е да се работи со оваа група луѓе која вложува многу од себе за мене и за овој тим“ – истакна Хамилтон.
Мерцедес ќе го тестира новиот болид на патеката Силверстон, а „целта е екипата да се врати таму каде што беше некогаш“, неведе Хамилтон.
Покрај долго очекуваните промени во концептот на автомобилот, екипата го смени и дизајнот со традиционалната сребрена боја сега на носот на Мерцедес и зелената боја на спонзорот Петронас, на црна основа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
