Томас Тухел не смее да си дозволи ново фијаско со Баерн Минхен неколку дена по поразот од 3-0 и лекцијата што ја доби од Чаби Алонсо на бундеслигашкото дерби во Бундес-лигата. Тоа му е и повеќе од јасно на трофејниот стручњак, па Тухел бара максимална концентрација и залагање од своите фудбалери на вечерашното гостување во Рим, на кое евентуален неуспех би можел да донесе и отказ за тренерот на Баерн до крајот на оваа седмица.
Згора на тоа, баварците се уште се мачат со серијата повреди, па на вечерашниот дуел на „Олимпико“ ќе настапат без Дејвис, Коман, Гнабри и Лајмер, кои беа стандардни првотимци до повредите.
Многу работи ќе зависат и од здравствениот билтен во таборот на Лацио, ако се знае дека тројца стандардни првотимци, Закањи, Ровела и Патрис се во трка со времето за настап на овој дуел.
На вториот вечерашен дуел ПСЖ ја има фаворитската улога против Реал Сосиедад, уште повеќе ако се знае дека гостите од Баскија значително ослабени допатуваа во Париз за овој натпревар.
ЛАЦИО – БАЕРН МИНХЕН
Лацио: Проведел, Марушиќ, Ромањоли, Џила, Хисај, Весино, Гендузи, Исаксен, Луис Алберто, Андерсон, Имобиле.
Отсутни: Ренцети: Неизвесни: Патрис, Ровела, Закањи.
Баерн: Нојер, Мазрауи, Упамекано, Ким, Гереиро, Кимих, Горецка, Сане, Мусиала, Милер, Кејн.
Отсутни: Дејвис, Коман, Гнабри, Лајмер, Перец, Сар.
ПСЖ – РЕАЛ СОСИЕДАД
ПСЖ: Донаруме, Хакими, Маркињос, Данило, Хернандез, Витиња, Руиз, Заире – Емери, Дембеле, Баркола, Мбапе.
Отсутни: Кимпембе, Мендеш, Шкринијар.
Р. Сосиедад: Ремиро, Галањ, Ле Норман, Зубелдија, Траоре, Мерино, Зубименди, Мендез, Кубо, Баренечеа, Ојарзабал.
Отсутни: Елустондо, Одриозола, Фернандез, Тирни, Бекер. Неизвесен: Ојарзабал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
