Норвешката гол машина во Манчестер Сити, Ерлинг Халанд влезе во историјата на Премиерлигата откако постигна гол против секој тим од натпреварувањето. На Халанд му недостасуваше само гол против Брентфорд, а вчера го оствари и тоа, со што тој е вториот играч со вакво достигнување после Хари Кејн. Кејн им има дадено гол на 32 клуба.
Најголеми „пациенти“ на Халанд во изминатите година и пол колку што е дел од Сити се Манчестер Јунајтед и Фулам, против кои „гол-машината“ има постигнато по пет голови, додека четири има против Вулверхемптон, Нотингем Форест, Вест Хем и Евертон.
Менаџерот Пеп Гвардиола вчера по мечот со Брентфорд соопшти дека Халанд во изминатата недела имал и семејна трагедија, откако починала неговата баба.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
