Аурелио де Лаурентис реши да го смени Валтер Мацари во неочекуван момент, на два дена пред осминафиналниот дуел од Лигата на Шампионите против Барселона, па новиот тренер Франческо Калцона воопшто и немаше време да ја пренесе својата фудбалска филозофија врз „наполитанците“. Затоа, се очекува Калцона да не менува ништо посериозно во стартните единаесетмина во однос на изборот на Мацари, со тоа што Осимен и Кварацкелија повторно ќе заиграат заедно откако Нигериецот подолго време беше во аут поради настапот на Купот на Африкански Нации.
На спротивната страна, Чави доби добра вест откако Жоао Феликс и Серхио Роберто се најдоа на листата патници за Неапол, но се очекува овие двајца фудбалери да почнат од клупата и шанса да добијат во второто полувреме на денешното осминафинале.
Порто ќе биде без помошта на одличниот голгетер Мехди Тареми, откако Иранецот поради повреда ќе го пропушти дуелот на домашен терен со Арсенал. Кај гостите од Лондон неизвесен е настапот на Габриел Жезус, а доколку тој не е подготвен за настап неговото место во стартниот тим ќе му припадне на Габриел Тросар.
НАПОЛИ – БАРСЕЛОНА
НАПОЛИ: Мерет, Ди Лоренцо, Естигард, Рахмани, Мацоки, Лоботка, Ангиса, Кајусте, Политано, Осимен, Кварацкелија.
Отсутни: /
БАРСЕЛОНА: Тер Штеген, Кунде, Араухо, Мартинез, Кансело, Кристенсен, Де Јонг, Гундоган, Јамал, Педри, Левандовски.
Отсутни: Балде, Гави, Алонсо, Феран Торес.
ПОРТО – АРСЕНАЛ
ПОРТО: Диого Коста, Жоао Марио, Пепе, Отавио, Вендел, Варела, Гонзалез, Галењо, Пепе, Консеисао, Еванилсон.
Отсутни: Тареми, Маркано, Заиду.
АРСЕАЛ: Раја, Вајт, Габриел, Салиба, Кивиор, Едегард, Рајс, Хаверц, Сака, Мартинели, Тросар.
Отсутни: Парти, Тимбер, Зинченко. Неизвесни: Жезус, Томијасу.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
