Голманот на Лацио, Иван Проведел потпиша нов договор со „лацијалите“. Договорот е до летото 2027 година.
Проведел е дел од тимот на „бјанкочелестите“ од 2022 година кога дојде од Специа. Дојде како втор голман, а набрзо стана прв чувар на мрежата на римскиот клуб.
Во својата дебитантската сезона имаше најмногу „чисти мрежи“ од сите голмани во Серија „А“, и беше избран за најдобар чувар на мрежата во италијанскиот шампионат.
29-годишниот голман има и еден гол сезонава, откако постигна погодок против Атлетико Мадрид во Лигата на шампионите во ремито 1-1.
Досега Проведел заработуваше 1,2 милиони евра по сезона, а новиот договор му гарантира речиси двојно поголема плата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
