Тренерот на Сасуоло, Алесио Диониси, доби отказ по поразот од Емполи со 2-3 во последното коло од Серија А. Сасуоло останува со само 20 бода, сега длабоко вклучен во битката за опстанок.
Почетокот на 2024 година беше кошмар за тимот со пет порази, едно реми и само една победа. Сасуоло има само две победи во последните 14 натпревари во сите натпреварувања.
Диониси беше на чело на Сасуоло речиси три години. Тој го водеше тимот на 107 натпревари, забележувајќи 32 победи и 42 порази.
Меѓу кандидатите за позицијата на клупата на Сасуоло сега се имињата на Леонардо Семпличи, Давиде Балардини и Фабио Гросо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
