Беса ја чува бодовната предност на врвот од табелата во Втората македонска фудбалска лига откако во 18. коло триумфираше со 2-0 против Новаци на домашен терен. Победа од 2-0 против Каменица Саса во Битола запиша и Пелистер кој е на втората позиција, а ритамот со водечките не може да го одржува Детонит Плачковица.
Водството за Беса го донесе Албан Таипи уште во 1. минута, а конечната победа следеше со голот на Изаир Емини во 88. минута.
Пелистер до победата од 2-0 против Каменица Саса дојде со головите на Благоја Љамчевски во 57. минута и Михаил Талевски во 79. минута.
Детонит Плачковица повторно загуби на гостински терен, овој пат со 2-1 на гостувањето од Арсими, со што не успева да одржи бодовен ритам со водечката двојка на табелата.
Беласица со пресврт триумфираше со 1-2 на гостувањето против Тетекс во Тетово. Тетекс поведе со голот на Марко Софијаноски во 49. минута, но потоа за Беласица погодија Коцев во 69. минута и Љумовиќ во 85. минута за триумф од 1-2. А, победа од 2-1 но пред своите навивачи забележа и Башкими против Осогово.
Охрид на „Билјанини извори“ триумфираше со 1-0 против прилепска Победа со голот на Мартин Нически во 62. минута.
Вардар Неготино го победи Караорман со 2-0, со головите на Флорент Османи уште во 2. минута, и Мартин Нејковски во 75. минута.
РЕЗУЛТАТИ – 18. КОЛО
Арсими – Детонит Плачковица 2-1
Башкими – Осогово 2-1
Беса – Новаци 2-0
Скопје – Кожуф 0-0
Охрид – Победа 1-0
Пелистер – Каменица Саса 2-0
Тетекс – Беласица 1-2
Вардар Неготино – Караорман 2-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
