Кошаркарите на Кожув во последната четвртина успеаја да го скршат отпорот на Вардар за триумф од 78-92 во 18. коло од Првата македонска кошаркарска лига.
Низ максимално израмнет натпревар во првите три четвртина, гевгеличани фаворитската улога ја оправдаа во последната четвртина која ја добија со 15-27, за конечна победа.
Претходно, на стартот од последниот период од играта резултатот беше 63-65. Но, со одлична одбрана во последната четвртина и сигурен напад Кожув дојде до победата.
Пен и Марковиќ со по 20 поени беа најдобрите поединци во победничкиот тим, а Вујадиновиќ и Милер постигнаа по 15 поени. Караколев мечот го заврши со 14 поени, два скока и две асистенции. Кај Вардар се издвои Наков со 22 поени и три скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
