Кристијано Роналдо повеќе од една година го носи дресот на саудискиот Ал Наср. Еден од најпопуларните играчи на денешницата досега постигна 42 гола и имаше 13 асистенции на 49 натпревари.
Португалецот пред неколку месеци изјави дека лигата во Саудиска Арабија е многу посилна од некои европски, а посебно истакна една.
„Саудиската лига е веќе подобра од француската Лига 1 и само што почна да расте“, рече Роналдо.
Таа реченица не му се допадна на Франк Лебеф кој со репрезентацијата на Франција стана светски првак во 1998 година и европски шампион во 2000 година.
„Како тоа ја спомна француската лига, а не, да речеме, португалската лига. Па, повеќе од јасно е. Во тој момент Меси играше во Лига 1 и со тоа сакаше да ја потцени. Го почитувам Роналдо како играч, но човеку замолчи! Не беше фер кон француското првенство, бидејќи не е вистина“, изјави Лебеф.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
