Манчестер Сити има одлична предност од првиот меч во Данска, па Пеп Гвардиола може да си дозволи да го ротира на вечерашниот дуел со Копенхаген ако се знае дека в недела „граѓаните“ ги очекува „мечот на сезоната во Премиер-лигата“, гостувањето на „Енфилд“ против Ливерпул.
Шпанскиот стратег ќе одмори дел од првотимците, па така се очекува вечерва во стартниот тим да не се појават Вокер, Де Бруине, Родри, како и еден од Фоден или Халанд, кои сигурно ќе бидат стартери в недела против Ливерпул.
Реал Мадрид ќе го пречека Лајпциг со преднос од 1-0 од првиот меч во Германија. „Кралевите“ повторно ќе бидат со Белингем како „лажна деветка“, Англичанецот ќе има помош од Родриго и од Винисиус, а единствената дилема на Анчелоти е дали мечот да го почне со Чуамени како последен играч во одбраната крај Ридигер или да ризикува со Начо, кој не е стопроцентно подготвен.
Елиф Елмас повторно е најавен како резерва во тимот на Лајпциг, а Македонецот би требало да добие шанса во второто полувреме на „Сантијаго Бернабеу“.
МАНЧЕСТЕР СИТИ – КОПАНХАГЕН
МАН. СИТИ: Едерсон, Аканжи, Стоунс, Дијаз, Аке, Ковачиќ, Рико Луис, Доку, Силва, Алварез, Фоден (Халанд).
Отсутни: Грилиш, Гвардиол.
КОПЕНХАГЕН: Грабара, Јелерт, Вавро, Мекена, Мелинг, Дикс, Клем, Хојлунд, Елјунуси, Ачури, Матсон.
Отсутни: Сандер, Лерагер, Клаесон, Гонсалвеш, Хочолава.
РЕАЛ МАДРИД – ЛАЈПЦИГ
РЕАЛ: Лунин, Карвахал, Менди, Чуамени, Ридигер, Валверде, Камавинга, Крос, Белингем, Винисиус, Родриго.
Отсутни: Алаба, Милитао, Куртоа.
ЛАЈПЦИГ: Гулаши, Хенрикс, Лукеба, Орбан, Раум, Шлагер, Хаидара, Олмо, Симонс, Опенда, Шешко.
Отсутни: Сикаман, Клостерман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
