Капитенот на Реал Мадрид, Начо Фернандез, по реваншот од осминафиналето против Лајпциг изјави дека најважен е всушност преминот во следната рунда од натпреварувањето.
„Кралевите“ одиграа 1-1 со Лајпциг, а поради минималната победа во Германија (0-1) се пласираа во четвртфиналето.
„Прво што ќе кажам е дека ја исполнивме нашата цел – минавме во следната рунда. Знаеме дека ова не беше нашиот најдобар натпревар во сезоната, но понекогаш мора да се мачите на големи натпревари. РБ Лајпциг беше одличен на овој натпревар. Кога противникот игра феноменално, а вие не сте во топ-форма, тогаш мора да го искористите искуството. Среќни сме што се пласиравме во четвртфиналето. Не го започнавме добро натпреварот, а не бевме многу подобри ниту во второто полувреме, па можеме да бидеме среќни што се пласиравме во следната рунда. Сезоната е долга, а во моментов сме во добра позиција. Луѓето сакаат да направиме драма од ваквото издание и резултатите, но на крајот на краиштата, ние сме среќни и горди на себе“, изјави Начо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
