Ливерпул и Манчестер Сити ќе излезат на мегдан в недела во големото дерби на Премиер-лигата што многу лесно може да се покаже и решавачко во трката за титулата.
Ова воедно ќе биде и последен премиерлигашки дуел меѓу Јирген Клоп и Пеп Гвардиола, а стратегот на Ливерпул повторно говореше само со суперлативи за својот колега од таборот на Манчестер Сити.
„Премногу долго сум во оваа работа и слободно можам да кажам дека препознавам совршенство кога ќе го видам. Пеп дефинитивно е во таа група на фудбалски совршенства што сум ги видел во кариерата. Начинот на кој влијаеше врз модерниот фудбал, бројот на трофеи што ги освои низ годините. А кога ќе го видите крај аут-линијата, мотивиран е како да нема ниту еден пехар во кариерата. Желбата што се уште ја поседува, тоа е нешто неверојатно. За време на мојата тренерска кариера, Пеп е стратегот што најмногу се истакна во светскиот фудбал, дефинитивно“, изјави Јирген Клоп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
