Селекторот на фудбалската репрезентација на Австрија, Ралф Рангник отстрани тројца фудбалери од репрезентацијата на само неколку месеци пред ЕП 2024, поради хомофобија.
Фудбалерите на Рапид Виена, Марко Граул, Гвидо Бургшталер и Никлас Хедл не се повеќе на репрезентативниот список откако по дербито на нивниот тим со Австрија Виена беа снимени како скандираат хомофобни (против хомосексуалноста) пораки.
„Ова е нешто кое нема да го толерирам во тимот во кој сум тренер. Се за што се залагаме во репрезентацијата е сосема спротивно од тоа што тие го промовираат“ – изјави Рангник по одлуката за остранување.
Поранешниот тренер на Манчестер јунајтед и на Лајпциг, сепак остава можност играчите во иднина повторно да бидат повикани во репрезентацијата, иако е јасно дека тешко дека ќе најдат место за Европското првенство во Германија во јуни месец.
Австрија овој месец, пак, ќе одигра два пријателски натпревари, со Словачка и со Турција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
