Легендарниот американски кошаркар Шекил О’Нил упати отровни стрели кон центарот на Минесота Тимбервулвс, Руди Гобер.
Поранешниот најдоминантен центар во лигата смета дека францускиот кошаркар е преценет дефанзивец. Гобер важи за еден од најдобрите дефанзивци во НБА лигата, а трипати беше избран за одбранбен играч на сезоната.
„Никогаш не мислев дека е одличен одбранбен играч. Видете, нема многу центри против кои треба да игра одбрана. Зошто тоа срање не функционира против Јокиќ? Тој е висок 228 центиметри, се разбира ако положувате покрај него тој ќе ве блокира. Но, одбраната е за мене ако успееш да го сопреш Никола Јокиќ. Сакаш да ме импресионираш? Задржи го Јокиќ под 15 поени. Сето тоа блокирање на слабата страна, тоа е одлично. Но, тоа нема да работи со момци како Јокиќ и мене“, рече О’Нил.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
