Партизан немаше сили да ја изненади Барселона во битката за плејоф во Евролигата. Црно-белите загубија со 94-76 во 29. коло, само поради очајно одиграната последна четвртина од натпреварот.
Се до последниот период, Партизан имаше негатива од само шест поени (74-68). Но избраниците на Жељко Обрадовиќ во последените десет минути одиграа очаен напад со постигнати само осум поени, па не можеа да се надеваат на ништо повеќе од висок пораз.
На Партизан не му помогна ниту одличниот Алекса Аврамовиќ кој беше најдобар на мечот со 27 поени и три скока. Кај Барселона се издвои Лапровитола со 17 постигнати поени.
Монако славеше на гостувањето против Алба Берлин со 82-90, а Басконија пред своите навивачи триумфираше против Милано со 88-73.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
