Напаѓачот на Фламенго, Габриел Барбоса е суспендиран на две години поради прекршување на антидопинг протоколот.
Може да се каже дека еден од најпопуларните бразилски фудбалери оваа долгорочна суспензија ја заработи на прилично бизарен начин. Затоа што не сакаше да уринира во присуство на контролорот и да му даде увид во целиот процес.
Инцидентот се случил во април минатата година. Потоа контролорите направија ненајавена посета на тренинг центарот на Фламенго и ги избраа сите играчи за примерокот.
Барбоса првично ги игнорираше контролорите, го одби тестот и отиде на ручек. Потоа сепак се согласил, но не сакал да уринира во присуство на контролорот. Тој се свртел од него и му ја предал отворената вијала, спротивно на протоколот, кој вели дека контролорот мора да има очигледен поглед на примерокот што се дава и дека примерокот мора да биде запечатен.
Тој примерок бил негативен, но Габигол бил пријавен за „обид за измама при допинг контрола“ и против него била покрената постапка. Бразилската антидопинг агенција одлучи да го казни играчот со двегодишна суспензија. Тој се уште има право на жалба до Меѓународниот суд за спортска арбитража во Лозана.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
