Хакан Чалханохглу не го криеше задоволството од освоеното шампионско скудето со Интер, прв ваков трофеј за турскиот репрезентативец во италијанскиот клупски фудбал.
Тој во 2021 година го напушти Милан и како слободен играч се пресели во Интер, за веќе во наредната сезона „росонерите“ да станат шампиони, а навивачите на овој тим со жестоки пораки и навреди да го „поздрават“ Чалханоглу. Тој чекаше две години, но дочека одмазда, и тоа на стадионот „Сан Сиро“, каде Интер со триумф на градското дерби против Милан стигна до титулата.
„Ова е одмазда за сето она што го трпев првата година кога дојдов во Интер, кога ја загубивме трката за скудетото. Не можам да заборавам што се ми беше направено на мене и на моето семејство од навивачите на Милан, но во срцето бев убеден дека се ќе заврши добро. Мојата одмазда пристигне, освојувањето на шампионското скудето на градско дерби е најголемото задоволство што може да постои. Како се да било планирано, Бог знае дека јас не го заслужив она што тие ми го направија. Секогаш работев и молчев, давав се од себе за сите клубови за кои играв“, изјави Чалханоглу за весникот „Ил Џорнале“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
