Милан се подготвува за сериозен ремонт во навалната линија по заминувањето на Оливие Жиру во Лос Анџелес, но и најавеното збогување од Лука Јовиќ.
„Росонерите“ немаат буџет за прескапи играчи од светска класа, па затоа разгледуваат поевтини опции на пазарот. На врвот на листата со желби се наоѓа Серху Гираси, 28-годишниот голгетер кој игра во неверојатна форма во дресот на Штутгарт. Фудбалерот од Гвинеја е меѓу најзаслужните што Штутгарт е на добар пат да обезбеди учество во ЛШ, но она што го прави особено атрактивен за Милан е фактот дека Гираси во договорот со бундеслигашот има откупна клаузула од 17 милиони евра.
Тој зимава одби неколку понуди за да остане и да му помогне на Штутгарт, но летово сериозно размислува да ги смени клупските бои. „Росонерите“ веќе имале нова средба со неговиот агент нудејќи му значително зголемување на платата. За Гираси се интересира и Манчестер Јунајтед, но „росонерите“ се подготвени да му гарантираат првотимски статус, со што се надеваат дека ќе го убедат да дојде на „Сан Сиро“ наместо да се пресели во Премиер-лигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
