Манчестер Сити без голема драма, ниту блиску како онаа во 2012 година, ја одбрани титулата во англиската Премиерлига. „Граѓаните“ на свој терен го добија тимот на Вест Хем и така дојдоа до новата, четврта последователна титула, со што влегоа во историјата на ова првенство.
За да нема никакви дилеми, Фоден уште во 2. минута донесе предност за Сити, а во 18. минута истиот играч зголеми и на 2-0. Меѓутоа потоа Вест Хем се врати, со евроголот на Кудус.
Некое време „висеше“ победата на Манчестер Сити, се додека во 59. минута Родри го однесе својот тим повторно на +2 гола од противникот, па 3-1 беше конечниот резултат на средбата.
FOUR-IN-A-ROW!!!!
We’re @premierleague champions 🏆🏆🏆🏆 pic.twitter.com/blRyxjPqJB
— Manchester City (@ManCity) May 19, 2024
Во Лондон Арсенал победи со 2-1 против Евертон. Но, тоа не значеше ништо за „топчиите“, со оглед дека на нив им требаше Вест Хем да не загуби на „Етихад“, а тоа не се случи.
Меч со многу емоции на „Енфилд“. Навивачите на Ливерпул му подготвија проштален меч на менаџерот Јирген Клоп. Со многу емоции и со многу солзи, на крајот Ливерпул славеше лесен триумф со 2-0, со кој сезоната ја завршува на третото место.
На Шефилд Јунајтед и на Барнли, во Чемпионшип и дефинитивно им се приклучи и тимот на Лутон. Во ЛШ покрај Сити и Арсенал ќе играат и Ливерпул и Астон Вила.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
