Манчестер Сити ја заврши сезоната со уште една победа, овој пат од 3-1 над Вест Хем Јунајтед. Овие три бода на „граѓаните“ им ја донесоа и титулта во Премиерлигата, но и нов светски рекорд за неверојатниот Родри.
Шпанецот кој и во минатото се истакна како еден од најзначајните фудбалери во тимот на Пеп Гвардиола покрај тоа што се израдува на четвртата последователна титула во силното англиско првенство ги премина и италијански легенди Паоло Малдини и Деметрио Албертини кои со 73 натпревари без пораз досега беа рекордери.
Триумфот над Вест Хем Јунајтед го одбележа 74. натпревар на Родри во низа без пораз, a пред 27-годишникот сега е нов предизвик – рекордот по бројот на натпревари без пораз во Премиерлигата.
Истиот е во сопственост на Сол Кембел кој настапувајќи за Арсенал не доживеа пораз на 56 првенствени натпревари. За надминување и на овој рекорд на Родри му се потребни седум натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
