Партизан ќе мора да чека до почетокот на јули, за кога е закажан состанокот на бордот на Евролигата, да добие одговор дали ќе игра во најквалитетното европско клупско натпреварување и следната сезона.
Екипата на Жељко Обрадовиќ тогаш и дефинитивно ќе дознае дали ќе биде дел од Евролигата, или ќе учествува во Еврокупот.
Самиот Обрадовиќ, пак, по поразот во финалето од АБА лигата од Црвена Звезда истакна дека е сигурен дека црно-белите ќе добијат специјална покана за елитното натпреварување и следната сезона, затоа што изминативе две сезони покажаа дека таму им е местото.
Партизан беше убедливо најгледан тим изминатава сезона во Евролигата, со најдобрата навивачка атмосфера во Европа, за што постојано беше истакнуван и од самата Евролига.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
